عبدالعزيز العازمي
سلام الله من المسلم على من دينه الاسلام0000 ومنكم يعتبر واجب ومني يعتبر سنه
ياراشد ياعلم هبت هبوب وطاحت الاعلام0000 هبوب الوسم والباقي هبوب الصيف والكنه
راشد السحيمي
هلا يامرحبا واغلى الليالي وابرك الايام .... وكلن يجتهد بالواجبات اللي يخصنه
عسانا بالسنه هذي نحصل مافقدنا العام .... هبوب الخير هبت بشر اللي طالب الجنه
عبدالعزيز العازمي
ترى اللي يجتهد في واجبه ماضنتي ينلام000 ولا للناس منه والله اله الفضل والمنه
انا مدري تحصل شي والا تنتضر قدام000 ترى العقال لو تضحك من المجنون منجنه
راشد السحيمي
ألا يالعازمي ماودي أصحابي تصير أخصام .... لوانك ماتحصل طيبن من غير لكنه
ترى الرجال لامنه بذل جهده وطاح وقام .... يقولون اجتهد والفين نعم ولا يسدنه
عبدالعزيز العازمي
ياحربي لاتحاربنا وحنا للحروب حزام000 ترى مافيه حربي ماطلع ضني على ضنه
تدبلج ماتدبلج كارثه يامدبلج الافلام000 لابد من النهار اللي يحمسك حمسة البنه
راشد السحيمي
تحب أعطيك بالتفصيل والا أعطيك روس أقلام .... عن اللي من جروحه يلحق الونه وراء الونه
بلاش تخللون التين والزيتون لاهل الشام .... ترى كلن يدينه ياولد عازم يخدمنه