طلعت في نجد أتمشى بأدابــــــي=وأنا بكـامل حشمتي زي وحجاب
أجنب دروب الوطى والمغابـــــي=وأسير من مرقاب لاراس مرقاب
أبحث وأنا في رحلتي عن سرابي=سراب نجد الشاعرة نجمها غاب
يا نجد أمانة وصليها خطابـــــــي=جمهورها من بعدها عنه منصاب
نجد السهال الشاسعة والروابــي=مدهال زينات الصورعوج الأرقاب
ماشفت فيه أثار حي(ن) ينابــــــي=إلا الطيور الطايرة والهوى الهاب
ولاشعرت بخوف ولاإرتيابــــــــــي=ماكني إلا بين ربعي و الأقــــــراب
أنا سعودية عزيز جــــنـــابـــــــــــــــي=أمشي وأنا مرفوعة الراس ما هاب
الصبر قوتي والعزيمه زهابـــــــي=آصل وانا كلى ثقه رغم الأسبــاب
ذلل لي الدين الحنيف الصعابـــــي=فتح لي أبواب وقفل عني أبــواب
اقرأ تعاليمه بنص الكتابـــــــــــي=فيه الحياة وعزها يا هل الألبــاب
نحمدك ياعالم خفى كل غابــــــــي=رب النفوس اللي خلقها من تراب
هديتنا للحــق عين الصوابـــــــي=وأبعدتنا عن دين مشرك وكـــذاب