ياراشد الضلع الصخر ماعنه درب=ارجع وراك الارض ماهي بعيده
تشكي لحرب الظلم و الظلم من حرب=زادوا مصيبتكم مصيبه جديده
كل المصايب يالسناني من الغرب=لكن ماتصفق يمينك وحيده
قرب شويه لأجل أصورك عن قرب=ماهي كفايه صورتك بالجريده
من ياكل على الرشوات يصبر على الضرب=عدل كلامك لأصفقك بالحديده
أول نعينك بالمواقيف و الشرب=يومٍ عرفتك فيه ما الله يعيديه
انت الصحيح مكثر الاكل و الشرب= ماباقي إلا العبد يغتال سيده
الله يزيدك خير و ينفس الكرب= عطنا دخيل ابوك جمله مفيده
شربت زين الدر من طيب العرب=و أنته عشاك القمبري و العصيده
اعطيتك العنوان مع قايد السرب= و ضيعت علمي و انت ما أنته بليده
ماعاد عندك خير يانافخ الذرب= قبل شوي إنقول وش هالوليده
الظاهر انك ييالسناني من الصرب= ياشينكم يامخلفين العقيده
ماتفهم الموضوع بأفكارك الخرب=عليك عراف القبايل شهيده
أخاطبك بالسلم ما أعلنت بالحرب= تنقص ميزان الكيل و إلا تزيده