الموضوع
:
ديوان الشاعر / سعود بن صالح الحصني
عرض مشاركة واحدة
21-03-08, 09:41 PM
#
2
مستشار شئون الاعضاء
الشاعر / سعود بن صالح الحصني
يا معيض أنا جيتك على الذكر يا معيض=يوم أنت رجل ومدهلٍ للرجالي
جيتك ولي عندك لزوم وملاحيض=أبيك تفزع يا كريم السبالي
ولو مالكم بالطيب فعل ومراكيض=يا بو علي ما سقت يمك رحالي
عرق الندى يندى ولو مسه القيض=تلقى بظله للنشاما ظلالي
وذكر الحياء يظهر له رسوم ويفيض=ويبين لاركب الرشاء للمحالي
وإلى وصلك العلم موفى بتحميض=يا معيض أنا أعدك لنا راس مالي
أشهر جناحك يا بعيد المناهيض=وانته معودنا لصيد الجزالي
وإلى أنهيت موضوعي اكفيت العواريض=والين معروفك بنا أول وتالي
قبلي ( سبيل ) اثبت فعايلك يا معيض=بالموقف اللي له على الكبد صالي
وقفت به ما طاب للعين تغميض=لين الليالي مرها صار حالي
لعل تفداك الوجيه المباغيض=اللي عن الطوله يجيهم جفالي
هذا كلامٍ معتبر نوع تفويض=منخي وأنا ابنخى تخوت الجمالي
ولآني بقول افرض على الناس تفريض=أوقف بجاهك يا نزيه القبالي
وأسلم ودم وانته عن الروح تعويض=ويبقى على المعبود كل اتكالي
وصلوا عدد ما يكشف البرق وينيض=على النبي عداد وبل الخيالي
التوقيع :
الحب الباقي
مشاهدة ملفه الشخصي
زيارة موقع الحب الباقي المفضل
البحث عن كل مشاركات الحب الباقي