المشاركة الأصلية كتبت بواسطة زيد بن مبشر الحصني الحربي

البارح الساحة نباهـا نبـنٍٍ سـي=والموت لوهو حـق ماهـو بمقبـول
أحد ٍ يموت وموتــّه مااثرت شي=واحد ٍ يموت ويصبح الحي مذهول
علم يغـص بعبرتـه كـل حربـي=على فقيدة كوكب العـرض والطـول
نجم سطع واضفى على السابعه ضي=أثرى الخليـج ولوتخطـاه معقـول
بالشعر له شهرة كرم حاتم الطـي=في ساحة القلطة لصيـاف مدلـول
وأهـل الأدب تنعىفقيـدة عوانـي=كن الأدب بغيـاب صيـاف مشلـول
يشهد له اللي دم قلبـه ماهـو نـي=حبيّب يقول انصاف صياف مقلـول
حقه على الإعـلام مدبـول وثـري=ليه العلـم حقـه بالإعـلام مغلـول
اللي مثل صياف لو كـان مـن أي=يحيا علم وإن مات مامات مجهـول
واللي عليه من الوفـا يعتبـر لـي=رد الثناء واجب وانا فيه مجبول
بس أتململ وأفـرك الصـدر بيـدي=كل الكلام يقول لي وش تبا تقـول
وأقول دنيـا الحـي ماخلـدت حـي=يأتي لها محمول ويـروح محمـول
وأحد يموت من الهرم موتة صبـي=وأحد يموت وحـزن فرقـاه للحـول
عزاي ابو رامي وعزوة بنـي خـي=مادام راشد حـي الأبـداع مكفـول
طبيب يفصد عرق والفـك لـه كـي=باب الثقه مفتـوح والشـك مقفـول
واليا ابتلى بمصادمة واحد ٍ عي=الله خلق بالناس عاقل ومهبول
ماقال هذي هي لو هي ماهـي هـي=بعد النظر يأخذ به الحـق مدبـول
وما قل دل وزبـدة الواجـد شـوي=وكل عن اللي تنطق شفاه مسـؤول