رجال الطيب ناخذ من تجاربها عبر وعلوم=وانا بقدم الماجوب للي يستحقونه
يابن وسام لاصار السماء كله مطر وغيوم=يمر الذيب قدام الشواوي ما يشوفونه

يدور الوقت يامحمد عسى كل الحظوظ تقوم=وابو غليون ما عمرك من جمره وغليونه
هبايبها تصافق يامحمد والطيور تحوم=وفيه طيور مضبوطه وفيه طيور مجنونه

يقولون الرجال إن الحضوض تقوم يوم ويوم=وانا اقول الامانه في يد العريف مامونه
ثلاث سنين يكتب بالصحافه لغز ابن مكتوم=وابن وسام عين"ن"من وراه وعين من دونه

لقيت الحي يبكي فوق قبر الميت المرحوم=يحفر القبر بيدينه ودمعه برد عيونه
ابن مكتوم لغزه لغز ومختم بعشر ختوم=احله واتحدى حرب وعتيبه يحلونه

ترى المرتاح من قضى حياته في صلاه وصوم=ولاله بالعرب ياصعب ذاك وذاك ياهونه
انا ما اقول فيك قصور تاخذ حقك المقسوم =ولكن الرجال اللي يخبرونه يعدونه

عليك الله وامان الله لاتزعل ياعدو القوم=يابو خشم"ن"سوات السيف والحجان مقرونه