ياركب اللي يسابق سلفه سيوره=من مصنعه توه اللي فكة الحلقه
مايلام به من دفع به كل مذخوره=من عقب ماهو من الدنيا معه شلقه
مايتركه من يغطي قيمة إمهوره=وابرك حلالٍ يجيب السلعه الطلقه
فيه العلامه من اليابان مسموره=آخر مديلٍ عليه الكبد منفلقه
فكس آر زادو بتضمينه وماطوره=غير الدبل حط شبك اعكوس لزلقه
متناسقٍ لون بديه لون ديكوره=تصعب وصوفه على بقافيه غلقه
الاّ ان حلياه حليا الشكل بصوره=شيهانهٍ من سماها جات منصلقه
هو موتر اللي بكبده يوجس حروره=أمن العمل والاواد م ضايق خلقه
وده بدارٍ من المبدار ممطوره=من شرق لينه نغرّبه اليا البلقه
مثل الزوالي نباته ترقص زهوره=من مطرتة ماوطابه قد مه الخلقه
ياخذ بها رخصة المقناص بطيوره=ماينقل اللي تثور بطنها الطلقه
والشكر لله واثنيبه لخو نوره=من لاشكر خالقه ماثنا على خلقه
داره بها الإمن واللقرآن دستوره=من مرجع العدل والقرآن منطلقه
يالله عساها على العدوان منصوره=واحفظ ملكنا من النكبات والعلقه
يالله يلي جعلت امر العرب شوره=تبعد ني اللي يثير الشر ويخلقه
من خلقة الناس منهيه وماموره=الوقت كلٍ ترا شبعان من ولقه
وختامها شعر بن قضعان في دوره=يحضى بجمهور مع ضيدان رح وألقه
قلته وانا واحدٍ من عرض جمهوره=من عرض من قال بالمجلس ملي حلقه [/poem]