المشاركة الأصلية كتبت بواسطة سعودالمبيريك

يامرحبا في حرب في منتدى حـرب=شعـار حـرب مشرفيـن القبيـلـه
تفضلوا والعـود والـورد بالـدرب=ومن بن صنعاء البن الأشقر نكيلـه
انتم من اهل الدار مانتم بهـا غـرب=وانتـم مدافعهـا الكبـار الثقيـلـه
مدافعن نكسب بهـا ساحـة الحـرب=الى غاب مدفع حـل الآخـر بديلـه
يافرحة المضيوم في ساعة الكـرب=مـا فيكـم اللـي مايزبـن دخيلـه
يسد واحدكم الى هد - عـن سـرب=اليا اجتمع جمـع العدى يرتكيلـه
من حاصل القسمه نتج جدول الضرب=واقلامهـا حـد السيـوف الصقيلـه
يوم الشجاعه بين الأضداد عن قرب=من يشرب الفنجـال ينطـح قبيلـه
يومن ولد اللاش عن خصمه يهـرب=حنا الخصـم لـو مايجينـا نجيلـه