هذه المحاوره جرت بين الشاعرين شاعر المحاوره المعروف علي الحصني
والشاعر الإعلامي الحميدي بن حمد الحربي رئيس تحرير صفحة مدارات شعبيه بجريدة الجزيره
علي =
هلا مرحبا ترحيبتٍ ترفع الراس = ورحّب وهّلي بسم شيخ القبيله
ولآ يالحميدي كل ما هب نسناس = انشد عن الخيال راع الكحيله
الحميدي =
لعل الولي يبيقك يا طيب الساس = بليلة فرح تسوى ثلاثين ليلة
بعد ما اجتمعنا هات من غير قرطاس = علومك وخذ مني ردودٍ جميله
علي =
انا في بحر تسعين سابح وغطاس = لعل الحميدي يوصل العلم جيله
ويشهد على ما قلته خليف دواس = لكن الزمان الشين ما فيه حيله
الحميدي =
الايام يا هل المعرفه تمرس امراس =وكلن حسب جهده يحصل حصيله
انا جيت مثل الناس ما جيت عساس = ومن له قضيه لايضيع دليله
علي =
تعوذت با المعبود من كل وسواس = الايام ما خلت عمَير وزميله
بوابير جده دونها حال حراس =ولا يوصلون اهل اليدين الطويله
المشكله ان المحاوره قديمه كانت عام 1417هـــ
والشريط غير واضح صوته والمعذره عن تكملتها