طيب !!! لكن النحس ملعون خيّر = يقسا ويظهر للمخاليق طيبه
لو الفرح يمي يشوفه مسيّر = قام اعترض دربٍ عليّه يجيبه
ياوقت عمري منك لغزه محيّر = وحظي معك ياما تردى نصيبه
خليتني فأمري أعزّم واخيّر = حبل الرجا ياسي معك ملتويبه
ذاك الامل باصه عليّه تحيّر = وعمري على دربه سنين تخطيبه
معذور مايسمع ولافيه ضيّر = طويق لو راسه عوى فيه ذيبه
عطني جوابك كان بك عقل نيّر= على فؤادي لا سأل ياطبيبه
جاني على شط المودة مخيّر = ودك وقابلته حبيب لحبيبه
ليه الهوى بعد اختلف بك تغيّر = ماكنت اصدق يوم تشعل لهيبه
منك المجافئ لي وانا اللي تخيّر = لك شوق دمعي منه ماصك شيبه
منك العنا شيكه يجيني مجيّر = كل ما ابعث الاشواق لك تلتقيبه
ماكنت افكر يوم مادك قصيّر = حسبي عليك ومادك الله حسيبه
يبقى البنادم في حياته مسيّر = ومقتنع شي انكتب له يصيبه