وش اقول ياناهس ولد بدربن غزاي
عرفنابعضنا بالمخوه وبالجيره
مضى ثلث قرن وكنك السيف في يمناي
على العز مايوم ٍ تواريت تقصيره
حكيم الرجال الياتحدث سديدالراي
طويل الذراع ومنتهى العلم واميره
طليق الحجاج مهندس الحرف للقراي
محيطٍ به الامواج تقلب بوابيره
هدوه يكذب جاهله حكيت الحكاي
خطر غبته لاهاج زادت على خيره
اقوله مثل واللي ببالي وفي معناي
خصايلك ياناهس توقفني بحيره
ابي ذي اوضفها تناسب على دعواي
ثمين الكلام الزين تركيزتعبيره
اشوفك مثل ورقان يصعب على الرقاي
وشوفك محيط محيط عرفه وتفكيره
ثقيل المراز امفلس الحاقد الزراي
ويمكن عليه اتضيف مفهوم تمريره
وحسن تعامل لاشكوكي وحباي
وفيك النزاهه للموالين والغيره
وفيك الرحابه والبشاشه بوجه الجاي
ورجل النواحل بالكرم زاد غيره
والاياهجوس القيل عودي عليه جاي
حلات الكلام انورده في مشاهيره
اروض صعبهن في هجوسي وخط املاي
عن الواقع الي بدواوين تسطيره
وهو بدر بن غزاي له بالقصيد اطراي
مسجل على التاريخ تخليد باالسيره
عرفته ولاشفته ومن غايتي ومناي
لحقت الاديب اللي شهدله جماهيره
نفوذه مع الحكام ماقال حط اسراي
على ايات حاكم مايرده سكرتيره
فصيح اللسان موفق كن معه ادراي
وش المنطق الي بالرياجيل تأثيره
تجرا وساق الجاه ثم قال سقت اخطاي
وانا من مشايخ نجد هدو غدا طيره
غدت فيه ربداً دونهاواجه الحماي
يلوح بملواحه وجاه وقضب سيره
تماثل لهاوحده لهابالصميم ادلاي
عبيً تغط الشمس عن كامل الديره
غازي الزغيبي