السلام عليكم ورحمة الله وبركاته
يالربع اللي ماحضر محاورة عقلة الصقور بين الشعراء راشد السحيمي ومعتق العياضي وتركي 2000وفيحان القعياني والشلاحي لاتفوته اللي من القصيم موجودة في واحة الشعر بالرس واللي من المدينة في ميدان الشعراء .
قال راشد السحيمي :الاياصفوف مطير جوكم نشامى حرب
ولكن خلوا للصفوف الجديدة درب
ترى فيه نار والعة ماشية من غرب
ولاعندنا مانع خذوا للبطل صورة
ويجونك حرابة الدول خمس صفوف واكثر وتروح مطيرلحالها
وقال معتق العياضي في موال اخر :جوك الحروب وياعسى الله يعينك
معيه كحل والكحل مثواه عينك
في سد وجهي غير اكتف يدينك
السن فيه السن والعين بالعين
تراي انا رجال تعرف مقامي
نيرانكم يامطير برد وسلامي
والصقرماهو ناظر للحمامي
السن فيه السن والعين بالعين
وقال معتق بالرباعية هو وراشد على المطران :
ياراشد ياحزامي قوم نبغى نغزي المطران
بعدتركي تريح وانخزى ثم انخزى الشيطان
بعد برك الجمل ماباقي ياغير هالقعدان
على وضح النقى والطيبة من حظ راعيها
وقال معتق بالموال الثاني :
تركد يالمطيري ثم جنب بس عن دربي
ميه من ربعك المطران ينطحهم رجل حربي
قبل لاقول يالكافر قبل لاقول يالصربي
على وضح النقى والطيبة من حظ راعيها
وانتهت المحاورة ويقومون الحروب بتشجيع وشكر للسحيمي والعياضي والله إنهم حتى الشيل شالوهم .
أخيرا أنا حرصت على كتابة موالات الشاعر الجديد لتقومون بتشجيعه ودعمه وإلا السحيمي غني عن التعريف هو شاعرنا وااقف بنحور الاعداء عنا والله يطول بعمر ابو عبدالله .