ايو الله اني بنت الاجواد ياخي=لي الشرف وان حل ذكر القبيله
اجواد جيرتهم مثل بارد المي=يروي ضماها الروح من سلسيبله
جرهود مزنة هلته قبل تمسي=غراء تعقرب برقها ينسريله
على صفاة نقعاه في ذرا في=برضٍ قفر مابه حلالٍ يجيله
حربٍ هل الطولات حاضر وماضي=ياعزوةٍ يفخر بها منتميله
اهل الوفا والطيب حيٍ ورث حي=من جدنا الاول عميل العميله
ماقلت زور ولا هي بعادةٍ لي=كلام صدقٍ واضحٍ مايبيله
احدٍ على قولي القولي يزكي= اسأل وتلقا العلم فوقه دليله
تاريخهم معروف ماهو بمنسي=وسط الحجاز ونجد فخر ونفيله