الفهد من حرب=
مرحبا ياخليفه مرحبا بالضيوف = تا رحيبن تبل الارض بخيالها
السمى غايمه والشمس فيها كسوف= والعرب ادعي الله يصلح اعمالها
خليفه الزروعي=
البقى راعي الدله وراع الخروف=والعرب ما تجازا غير بافعالها
دنية الخلق هاذي ماعليها حسوف=كم قبلي وقبلك شدت إرحالها
الفهد من حرب=
علمك اللي طريته ما بقاله وصوف=امسك الدرب الايمن واترك اشمالها
الرحى مستديره والعرب ما تشوف =يوم جينا هنيّه با نت احوالها
خليفه المزروعي=
علمنا بالفعايل وأنت مامنك خوف=وأنتبه لدروب العوج وأصحا لها
قبل تولد تراني خطفت الهنوف=وألخيول ألأصايل عند خيالها
الفهد من حرب=
انا فارس محنك وانت حد السيوف =ودنا نشرب الدله بفنجا لها
محتمين المواقف والرجل له ظروف =والمعارك تيتم ناس بعيا لها
خليفه المزروعي=
يا عسى صاحبي للحمل عنده كتوف=وإن برك للحمول أشعيل يشتالها
وأن حميت المواقف جبتكم لصفوف=قلت شاعر لحرب وطابت اجيالها
الفهد من حرب=
ا الحمول الثقيله لها ناسن وقوف = ليت وينك حسبت العلم با ثقا لها
شفت نور القمر ممبعد جاله خسوف = هاذا نور الشعر والشعر با رجا لها
خليفه المزروعي=
كل من يعتمر بالبيت واجب يطوف=والحمايل بعد ماجيت حمالها
القمر فوق نوره ينطقون الحروف=وكل كلمه ثمينه عطني ابدالها
الفهد من حرب=
كل ديره لها شيخن ورجل امعروف = حامين ديرته ومطوق اجبا لها
النجم ما يبيّن غير في قصر نوف =يبدع القاف يحمي كلمتن قا له
خليفه المزروعي=
المعاني تراها مثل رمي الزروف=وكان ونك نقضت أبيوت فتا لها
كم شاعر يلالي وفالمواقف رجوف=خيب الربعه اللي خسرت اريالها