احمد حمود الجريسي=
سلام ومس الخير يا ضيف لفا روس الجبال=تحية يا ضيفنا طيب الوفاء مضمونها
الدار والله يا رفيع الشأن تفرح بالرجال= و تفوز له يا صاحبي وتسكنه بعيونها
خليفة المزروعي=
يامرحبا في مرحبا والطيب عندي راس مال=وأنتم هل الطالات واللي طايله تصلونها
أنتم جهينه من قبايل عز ورجال ألكمال=ماهو كلام اليوم من ضاري لكم يطرونها
احمد حمود الجريسي=
يا صاحبي نبع الوفاء عندك كما مزن الخيال=ما هي غريبة يا رفيق الدرب خضر أغصونها
من ماضيات الوقت فالجيرة وجال جنب جال=متعاهدين أهل الوفاء بطيب النقاء يحيونها
خليفة المزروعي=
راع الوفاء ياخذ وفاء ياصاحبي في كل حال=هاذي قوانين الرجال اللي تعز حصونها
من يوم جيتونا إلاذلحين يضربك مثال=سباق لااطيبه ولا ترضى تجي من دونها
احمد حمود الجريسي=
من حمد ربي يا خليفة جالها شيخٍ عدال=والدين والسيف الحدب نافذ على قانونها
وحد شتات العُرب وصبح با سماء نجم وهلال=وأمر على كل العرب ياصاحبي يرعونها
خليفة المزروعي=
صحيح ماقلتو وكلمة صدق مافيها جدال=عساه للجنه ويقطف من ثمار أفنونها
أرسى قواعدها على التقوى وجنبها الظلال=وهاذي أمانه وفق الخالق لها مامونها
احمد حمود الجريسي=
من عاش في حد الجنوب أشوفه يبني بالشمال=ما تنكره هل الديار ولأترف اجفونها
وربي فتح كنوز الأرض وطلعت خيرٍ وسال=وعم الديار اللي بعيده ولمدن يبنونها
خليفة المزروعي=
ألإ سم واحد ياالسعودي فالدير روح وتعال=يوم الدول ماكثر عقايدها وكثر أغبونها
هذا الفضل دعوة نبي الله من عز الجلال=خلت جميع المسلمين من الدول يردونها
احمد حمود الجريسي=
هذي ديار أهل الكرم يا صاحبي وأهل الدلال=اللي على وضح النقاء فنجالها يعطونها
عسى بيارق عزها تبقى على طول المجال=وتبقى على طول الزمن كل العرب ينصونها