يامرحبا في حفل حرب اللي يهزون الجبال = قبيلة ربي مع العالم معلي شأنها
الصاحب اللي غايبن شهرين مع ستة ليال = أبغا علومه بعدما جينا وسط ميدانها

دام البقا لأهل البقا والحفل هذا رأس مال = حفل الرجال اللي على الطاله طوال أيمانها
علمي سلامة معتق الحربي بعد حل المجال = مشغول في دنياي والدعوى هذا عنوانها

حيرتني نوبٍ يمين ونوب أشوفك بالشمال = نوب على ظهر المطيه مير نوب وزانها
يامحمد أبقا منك إجابه وأنت اسمع لسؤال = وشلون تبني لك بيوتٍ طايحه عمدانها

بالله ويش تقول لو إنا قطعنا الاتصال = نبا البحور يبين مع لؤلؤها مرجانها
ياصاحبي معتق ترى غزه بوضع الاحتلال = والظاهر إنك بعد يوم ويوم من سكانها

اليا قطعت الاتصال أقول لك يابن الحلال = الله يكافي من هوى نفسك ومن شيطانها
غزه ماينصرها ياغير المقتدر رب الجلال = المشكله بالشعله اللي زايدٍ دخانها

السالفه تبغا لها رأي سديد وسع بال = لأن السوالف مانجح منها ياكود اسمانها
يابن العياضي مايصدر بالحمول الا الجمال = ليلى خطبها قيس قبل يوافقون إخوانها