إن قلت وإن ماقلت بئس الطبيعه
اقولها وبليس ماطي وملعون
في غيبتي حطو حكومه وبيعه
وبحضرتي لاترفعون التلافون
حنا نعرف اديار اهلنا وسيعه
وليا حضر منا على غايب يمون
وانتم جهلكم واصل„ بالشريعه
لاكبر المذن وقفتم تغنون
ياراعي التضليل دعواك ضيعه
لكن تعين بالعرب وش يسوون
واشكر لماصيقك وقيل بريعه
قبله ترا ماجيتنا فوق صالون
واليوم ماكنه صنيعك صنيعه
لانك بديت بحظ والفعل مالون
واليوم سره ينكشف من تبيعه
اسمع كلامي واعتبر جاك عربون
ان ماعرفتم من هم اخر نزيعه
نبي نعلمكم ويمكن تعرفون
لاتدعون بمقطع العرق شيعه
لسنه اسمحه مراجع وماذون
في مصر مثل فلم بأسم الخديعه
ماكن خلق الله لها روس وعيون
سرقان وعطوهن محاجر وقيعه
والناس قصو من على القار يمشون
هذا الكلام اللي تحدث مذيعه
ولي بيده السيف للعدل مسنون (غازي الزغيبي)