نواف بن نومان ياحلو بيته
يشدني سبكه وتوجيه قافه
ينقى خزايزهن سوات الصنيته
شاعر وشعره مايجيه بكلافه
معناه يقربه ومبعدمبيته
يعجبني ادراجه وزين التفافه
الضعف ببيوته حشى مالقيته
لاحرك الايراع واصل رعافه
يكشف متيه الدرب مصباح ليته
نوادرن مابينهن لفض تافه
وعلى كذا وجهتهامستميته
غيدن مهقويه جمال وعفافه
ماتنحني في راسها لنبيته
من عنفوان يختصر بالمسافه
مطلوبها من يرفع الراس صيته
الثنين قدامه وعشره اخلافه
وجهتهايمه وجاته وجيته
من شاعر ن مبدا الكلام اعترافه
يذخر من في نجد محفوض بيته
يفخربه الحربي وللمجد أضافه
لعدم اهل المجد جاما نسيته
للعز يبيت الكرم والضيافه
بيتن يذري من يجيه ويقيته
يبنى على شيخ ن قبال ولطافه
ونروحن خيل الطلب مقتفيته
ابشر وبشر من يكون بضفافه
هذا الكلام الي بجده نقيته
نقيت حواسيبن تعد الصرافه
والي على بالي وقصدن عنيته
باخر بحرتسعين جود كتافه
مابعت في سوق الرخيص وشريته
لوبلشتني به رجال الصحافه
كلن يقول شرح كيته وكيته
ناسن تمس حباله من لقافه
ولي مضيق خاطري ماكميته
ابديتهالك ونت شرح غلافه
حقك عليه كل عاصي عصيته
وفلت بيدين البغيض انتافه
ولي يراودني برجلي وطيته
شهامتي براس ماهي ضعافه
تم الكلام وماكتبته قريته
والي بغاه الذيب شمه وعافه
وسلام غازي الزغيبي
قصيده موجهه الشاعر الكبيرنواف هلال بن نومان الفريدي