بخيتان البشري =
سلام والمعنى على روس الرماح وفالسمين = على رِجال ارِقابها ماتبتلش فمتونها
لا بارك الله بالذلول اللي عطوها مطرقين = وامست تجر حمولها في قومها وتصونها
طلال المعبدي =
مرحبا والمعنى على من هو عقر حط اللسين = ولا الـــرجــــال اعــلــومــهــم تــطــريــهــم ويـقـولــونــهــا
لابــــارك الله فــكـــورة الــنـــادي وجـتــهــا شـوتـيـتـيـن = وأرســت تـحـت قــدم لاعــب وإتـعـوِّدْ ويشوتـونـهـا
بخيتان البشري =
تبقى ياذخر اهل الوفا تبقى ياذخر الطيبين = والرمية اللي مخطية تكفون لا ترمونها
دون البحور وسدها وانا اعرفك شاعر فطين = مدري بهم تخفونها والا لهم تطرونها
طلال المعبدي =
حـنـا نـقـر اوزانـهـا وأنــتَ عـلـومـك لا ذحـيــن = يعني كما اللي جاته السكينَ بحث اقرونها
وحنا نعرف الشعـرِ والشعـارِ والمستشعريـن = وانـتــم كـمــا الــلــي يحـرفـونـهـا لــــو يعـرفـونـهـا
بخيتان البشري =
ياللي قريت اوزانها ربي على مثلك يعين = مثلي يصدّرها ليا جاته على مامونها
ماظهرت سكيني ولو تبحث لها ام القرين = اعطيت تمرة صاحبي عيا يبا عرجونها
طلال المعبدي =
العاقـل لاضيـع سنـه مـا يجهـل ايضـيـع سنـيـن = والــــيـــــا نــــوالـــــه ديــــــــــرةٍ يــمــســيــهــا ولا دونـــــهـــــا
الله يعز الدين باللي ايعرف كتـاب الصالحيـن = يعرف متى يصلونها ويعرف متى يصومونها
بخيتان البشري =
ماجبت صح وصايبة مصدوق ماتبغى يمين = والناس لو تدحم جبال طويق مايرذونها
العلم غانم وانت واحد من وجيه الغانمين = واهل الفتاوي دورهم للناس يستفتونها
طلال المعبدي =
أنتَ رَجُل واصل وحنا مع كماكمواصلين=أضحِك بياض سنونها وأكحل حمار عيونها
وإن راده الله غير أجي في عقر دارك يالعين=وأظلي كاسب الجَملة وأسِدد كل ديونها
بخيتان البشري =
إن جيت تبغى الاوله تقلط على سمن وسمين = عمر البناخي به خواله ماتخيب ظنونها
وان جيت تبغى الثانية كحلت لام هديب عين = وإن كان عيتّ لا نكحلها نخشنا نونها