أملاحظه عندي على كلمة الشيخ=اللي خذوها الناس دايم وسيله
الشيخ من ينطح وجيه المجاويخ=شيخ الجهام اللي يقود القبيله
ايام سوقات العطف والمناويخ=شيوخ القبايل ناطحين الثقيله
والا كريمٍ من خيار المطانيخ=تلقا الضعيف دايمٍ يلتجيله
منبع كرم ماعقبوه المتاويخ=لعل تفداه اليدين البخيله
او شيخ علمٍ له مكانه وتاريخ=يدعى على ماقيل صاحب فضيله
هذا حسب عرفي وانا ماني الشيخ=وكلٍ على ماقيل عقله دليله
ابو احمد سلمت يمينك على هذا النقل وجزل الاختيار وصح لسان شاعرنا العلم
عضيب بن هليل بن شلاح العلوي الحربي هذا العملاق والجبل الاشم والله انه عندنا
في منزلة هؤلاء الشوخ قول وفعل ومن له واضح البرهاين يستاهل الالقاب الساميه وكفو لها
وهي تزهاه واعود واكرر صح لسان شاعرنا مدد بلا عدد ووجهة نظره صائبه وعين الصواب