مانته على ملايم البايق =مجبور ... مادمت فالمرقاب

أبومديده=
سلام مِن قلبي العاشِق=اللي تمغرو بُه الأحباب
عيبي لأني مِعُه صادق=ألقاه دايم معي كذاب ؟
حرب=
ترحيب من جونا الرايق=ياحر للطيبه كسّاب
ماانته على ملايم البايق=مجبور..مادمت فالمرقاب
أبومديده=
تسلّل البايق السارِق=مع الهوى والهوى غلاّب
وكوّش على الموقِع اللايق=اللي عليه الظلوع حجْاب
حرب=
طبع الهوى من زمن سابق = مرهب قلوب العباد ارهاب
لاكن لاتترك الخافق = يصبح ضحيه مع النهاب
أبومديده=
صدري مِن ملايمُه ضايق=وطرفي يراعيه بالإعجاب
مزيون مغرور ومنافِق=خلا عضايا شِلل وأحزاب
حرب=
اشوف دون الهدف عايق=اللي محسّب عليه حساب
ومادام ماللامل بارق= وقتك لايمضي مع اللعاب
أبومديده=
يعني أسيب الأمُر عالِق=وألآ أرسلُه مجلِس النواب
الليل عطني حكم حارِق=فالماكِر الناكِر السبّاب
حرب=
اعطيتك العلم ياطارق=بعد الهوى قفل الابواب
ومادام عندك طلب لاحق=حكمي مايصدر على اللي غاب
أبومديده=
ماأنته على بوقه موافِق=وسميتُه البايق الغصّاب
مفروض ياحضرة الناطق=تحُكم غيابي على الأسباب
حرب=
مااصّدر جزايه على عاتق=قبل اسمعه واستمع لذياب
واليا ثبت حق..والخالق=انّي لا ربيه بالمشعـاب