حداية فواز بن محسن الزويهري الحربي وربعه في حفل الشيخ حميد اللقماني الحربي
البدع / فواز الزويهري
〰〰〰〰〰〰〰〰
مثل الذهب سعره في وسط السوق جمَّل صارفينه
سلام تسليم الوفا والطيب لهله باذلينه
جينا نكمل واجب الأصحاب والخطوة ثمينه
جعل الفرح دايم في دارك ياحميد كل ليل
__________
حنا زويهر فزعة المضيوم وسيوف سنينه
وأنتم عيال العم والطيب يميني في يمينه
واللي يمد الطيب بين الناس ما تقصر سنينه
لومات ذكره حي بالطالات والفعل الجميل
__________
ويش هو ولد يغلب بطبعه لا حضر لمضيفينه
حتى ليا من ارتوى صاروا بالاسما تابعينه
يلفي على الحكام والخدام ويحبوا جبينه
هاتوا حلول اللغز يهل الفكر والراي الجليل
〰〰〰〰〰〰〰〰
الرد من الشاعر حميد اللقماني وربعه
〰〰〰〰〰〰〰
مثل العسل من عالي المجنا لسوقه جالبينه يامرحبا ترحيب للضيفان دوم موجهينه
لربوعنا وضيوفنا من كل صوب مقدمينه
تكميلكم واجب علينا ياهل المجد السليل
__________
والنعم فيكم ياوزيهر بالعقول اللي رزينه
وحنا بني عوف ولنا تاريخ يقرن بالمدينه
منذو العصور الاوله للحين والعاصي ندينه
تاريخنا مشهود لأهل العرف جيل بعد جيل
_________
حنا عرفنا اللغز وأهل الكيف مثلك عارفينه
فنجال كيف يمد لأهل الكيف تقفاه السمينه تستاهلونه ياوجيه الخير في وقته وحينه
اللغزواضح لوصعب الحل ماهو مستحيل
〰〰〰〰〰〰〰〰