السلام عليكم ورحمة الله وبركاته
اهدي لكم هذه الابيات عسى ان تنال عجابكم
شــبــيه الريــم صادفـته عـلى عــدً عـليه ورود
كحيل الطرف ووجونه دقـاق الرمـش محـفـيها
دفعت اخطاي من شفته جذبني بالعـيـون السـود
عــذابي نظرة عــيونه ســواد الرمــش مـحـليها
سحرت الـقـلب واخلفته وابا ثبّـت عـليك شهود
عــسى حقي تجـيـبونه حــقـوق الــود عــطنيـها
هـدّيـت الحـيل واتـلفـته وحـبــك بالـفـواد يـزود
جـروح الحــب وطعـونه حــقيـقه مـن يـداويـها
من قال ابيـك صرّفـته على ذمّـة غـظيـظ العـود
عــلى قـولـت يقــولونه قــرار العــين غــالـيـها
ديوان الشعـر ولّـفـته ولوتدري عــن المـقـصود
وزنـت الـقــاف ولـحـونه عــلى شـانـك تغــنّيها
هاجوس الفـكر كـيّـفـته يــزورك لبـغى ويـعـود
طـلـيـق احـبال وضـنــونه يـخـطـطه ويبــنـيها
برب البـيـت حلـّفـته وقـلـت ارحـم نديـم الجـود
نديـمــك باح مكـنونه وعــيـنه فـيـك مشــقــيـها
ضروف الوقـت لوّفـته كـما لـوفة هـبوب الـنـود
لعـشب الصيف وفـنونه وحمـت الـقيـض قافـيها
دنياه اليوم ما انصفـته وحطـت باالضمير الهـود
دنــيا مــاهـي بمـامـونه عــسـى ربــك يسـوّيــها
التوقيع مساعد الجليدي