بعد غيبة سبـوع ويـوم جيـت أدور الشعـار=سـلام الله سـلام يشـرح الخاطـر بنبديـبـه
أبي شاعر يقص الدرب ما يجنح يميـن يسـار=بـدون قصـور يـا شعـار لا شـك ولا ريبـه
بعد غيبة سبـوع ويـوم قـدم للعـرب معـذار=هـلا يامرحبـا ترحيـب باللـي طـول الغيبـه
ليا من جيت في سوق الغلا والطيـب لا تختـار=اخذ قسمك مع التجار فـي مكـه وفـي طيبـه
عليه الله وأمانه يم جـدة رحـت لـي مشـوار=وعبد الله مسيّر لا مخيّر لين ملك الموت يقفي به
حبايبنـا بقلبـي لـو غابـت عنهـم الأنظـار=عصانـا وحـده لـو الدهـر شانـت هناديبـه
بعد سقت الركايب يـم جـده عطنـي الاخبـار=لنا واجب وراعي الطيـب لاتنقـص مواجيبـه
علامك مختلف ممشـاك وانتـا شاعـرأ بيطـار=عسى عد الروى مـن يمكـم تصفـا مشاريبـه
أنا عندي غرض سري وصعب أبيّـن الأسـرار=وأظنك تعرف إن الضيف فـي حكمـة معازيبـه
يقولون الرجال الزود ما ينقـص مـن المعبـار=لكن أبشر بعلـمٍ كـل مـن يسمـع يغنـي بـه
ليا منك تجي ضيف(ن) ترى للغوش لك مسيـار=وانا ماني سوات اللي يجـب العلـم ويسريبـه
ترى بعض السوالف ياعميلـي مالهـا محـدار=لاكنك دور اللـي مـن عليـه العلـم واطريبـه
أنا والله صعب أرضي حبايبنا وهـم كثـار=لكن الرد يروي يا رجـال العـز والهيبـه
صحيح العلم مير اذهن لا تنقل حملة الصفّار=وتبغاها جمالة ثـم تطلـع هـم ومصيبـه
بغيت امدحك ياصاحب لقيتك صاحب الشطار=وواحد مايعرف العلم خلـه لا تجينـي بـه
ترى ارض الصبخ ياصاحبي ماتنبت الازهار=لاكنك روح دور للخويـي اللـي تعزويبـه
انا ماني بعازة مدح انا تاجر مـع التجـار=ولاني حسب ظنك حـر مثنيّـة عراقيبـه
تقوله بعد ما حسيت يا الصاحب لهيب النار=وبيت ماهو ليّه والله المعبود مـا اجيبـه
وانا ماني بقاصر عنك يوم انك تجـي سيـار=عساك تروح يالصاحب ماتنسى الضلع واتسيبه
هذاك اللي عطاك العلم يخسـا ماهـو بسمـار=وانا ماني سـوات اللـي دلال النـار تحديبـه
أنا ماذمكم واللي يذم اهل اللزوم حمار= وأنا مانظرلشاوي بالخلا يرفع مشاعيبه
عليه الله وماأنه ماتسمع هرجة الثرثار= لكنك لايصيبك شك أنا فدوه لذا الشيبه
تقوله وانت ماتبغا علوم الطيب يالـدوار=وانا ماني بمثل اللي ضلام الليل يوميبـه
ولا ياذيب لاتاخذ سوابقها معـا الجـرار=ترى بعض العرب قالو ها لاعزه ولا هيبه
بلشنا في المجنن ما لها يا غير سجن شهار=يا لو تعلّم المجنون صـح يقـول تكذيبـه
أنا صقرٍ ما ينظر للدروب العوج يا القمّـار=ولا آرد فوق عـدٍ مـا تهنّينـي مشاريبـه
وبلشنا في صغير السن يومنه قريب اوجار=تبا المفزاع وتبشر باحطك فـي شواريبـه
تفسرلك علوم(ن) ياعميلي مالهـا مقـدار=عساك ادوم في طيبه وأذان العصر تدريبه
اثرنا كلنا ببلاش احد بالنار واحد الغار = لكنك دور الظالم وتله في تلابيبه
انا في داخل الميدان مطلب يارجل معذار = اعذب واتعذب والله اللي مانعرف غيبه
ولا ياذيب لاتزعل ترى ماني عديم ابصار=لاكنك روح دور للعميل اللـي تمسيبـه
ليا منك كسبت أذنوب لاتصبح معي ثوار=ترى باخذه في جوله واعلقله عراقيبـه
أقول الذيب يفرس والحيل للثعلب المكار=وأنا صقر قوي عزوم معروفه مخاليبـه
أنا كاسب ذنوبٍ فيك يا الطيّب بدون إنكار=لأنك غصن ليّن والهبوب تهب وتجيبـه
عليك الله وامان الله كلامك ماعليه اغبـار=وذيب(ن) ماعليه الناب يارجال مايصيبـه
عسى دنياك يالصاحب وسيعه ماعليها كار=وانا من شيمت العربان كني اليوم اعزيبه
مادام انك عرفت الدرب زر السالفه بزرار = ولك صاحب كتاب الشعر دارسبه وقاريبه
عسى ربي يساعدنا ونكسب بنت بن عمار =واعلم صاحبي بالشعر تركيبه وترتيبه
راع الجهاله ياولد يبطي عظم وذل وعار=وانا بلشت ياربعي ياكود الله بلاني يبـه
يالجابري ترى القلوب الطيبه لها اسوار=لاتعترض للطيبه ياصـاح ثـم تلقيبـه