عـامر العوفي
السلام عليكم ورحمة الله وبركاته
مسيتم بالخير والعافيه
وهذا الجديد المفيد والغايه إيصال الفايده ولا البيوت ما تسلم من الركاكه

أكبر هموم الاش تجميع الأموال = تلقاه فالاسواق يشعب ذلوله
لا حرم الله بيعة الشر يحتال = بالحيلة اللي ما تخالف ميوله
عساه فدوه لابيض الوجه حلاّل = اللي يطيع الله ويتبع رسوله
مايكنز الاموال لو الزمن مال = ماله يعم اللي من الناس حوله
اما فقيرٍ مالقا خبز بريال = ولا يتيمٍ معطي اخوه فوله
كنه مطر ومن الصبح همال = وامسى عل الوديان تجري سيوله
يبغى رضى الرحمن في يوم الاهوال = يوم الرضيع يشيب من زود هوله
وكلٍ يدور بالزمن راحة البال = يتعبلها في كل صوله وجوله
لكن حكم الله في كل الاحوال = للي يبا الراحه يحسن فعوله