بحر الهجيني=
أبطيت وآنا اصـم ابكـم=يالين حرفي فقـد معنـاه
اللي منول برفـع الضـم=واصبح بكسره محد يقراه
و ماقلت بعد الصبر نندم=ونشوف مـالا توقعنـاه
و الشرق بالغرب يوم التم=العلـم جانـا و كذبنـاه
سالم البشري=
بحر الهجيني نطق واقدم=ضيفاً عزيزاً على شرواه
نقـول يامرحبـا ونعـم=والضيف لامن زهم ننصاه
هل يشتكي حظه المعـدم=في ذا الزمن والذي سوّاه
ولاّ معه علم00 لايكتـم=ومن يعرف الدرب مايغواه
بحر الهجيني=
و الله ونعم يا عيال العـم=شرواكم الطيب فيه القـاه
و اليوم باشكي عليك الهم=يا من لها مد لـي يمنـاه
مـن آه فـي آه ليـا كـم=صبح و مسى وا عذابي آه
صابر على الحال وآنا اعلم=انـه تمـادى علـيـا داه
سالم البشري=
تسلم لنـا واللـزم تلـزم=أهل المواجيب والمنخـاه
وابشر بعزّك معك باهتـم=فالعلم حتى يصل منهـاه
لكن على الغيب كيف احكم=والمبتلى ماشـرح بلـواه
لازم يقـلّـي ويتكـلّـم=حتى نشخّص لـداه دواه
بحر الهجيني=
هيا استمع بثـي المبهـم=من عالم اليأس و المأساه
ونَت و حنَت فروع الصم=و شنَت و رنَت عليه عداه
من راحتينه طفحت السـم=و مني كفوف الشهد يجناه
مبني عليها اللحم و الـدم=ارواح تآمل دوى يا قضاه
سالم البشري=
مالوم شاكي ومتظلم=من جور كايد معه جلاّه
توازعوا ليله الأظلم=وكلٍ تغنى على ليلاه
لكنّه الوضع يستلزم=حمله عليهم اذا تبغاه
حث القدم يابحر واعزم=يم الهدف تلتقي منجاه