حميد البلادي=
سلام واسمع صدى الاحساس=مكنـون قلبـي ومايخفـيـه
ارسلك الخط فـي قرطـاس=حاضر يجدد علـى ماضيـه
احمد ابن عاقل=
يا مرحبا بالذهـب والمـاس=مني على قـد مـا يرضيـه
قلي عسى ما عليكـم بـاس=احساس قلب الشقي وش فيه
البلادي=
جاني نسيم الهوى نسنـاس=يداعـب الفكـر ويسلـيـه
وسريت ليلي مع الهوجـاس=أصبّـر القـلـب وامنـيـه
ابن عاقل=
ان كان قلبك كـذا حسـاس=في ماكـر الـود لا ترميـه
من خوف لا تطرح القرناس=حمامـة الأيـك وتشقـيـه
البلادي=
السيف سبق العـذل يانـاس=ومن يعذل القلـب مايوحيـه
الطير وسط الشبك محتـاس=وحمامـة الـدوح ماتنجيـه
ابن عاقل=
من بعد ما دقـت الاجـراس=وحمامة الورق فـي عاليـه
في حين غفله من الحـراس=اشرب لذيذ الهوى واسقيـه
البلادي=
اسقاني الشهد وسط الكـاس=واحلى من الشهد من يعطيه
واقفى وخلى العروق يبـاس=والعين مـن يومهـا تبكيـه
ابن عاقل=
ما حي خالي مـن الاونـاس=ياللي كتاب الهـوى قاريـه
ولا صار بنيك على نومـاس=وش دخلك في بحور التيـه
البلادي=
دخلت بحر الهـوى بقيـاس=وحظ الشقي ويـن مايغديـه
اهات تكتـم لـي الانفـاس=اناظـر الـورد واحاكـيـه
ابن عاقل=
اللي دخل في بحـر غطـاس=يرضى بما يحكمـه قاضيـه
ويصبر على حظه المحتـاس=لو كان عكس الذي يرجيـه