محاورة بين شاعر الخليج "رحمه الله" و الشاعر / علي الهجله=
علي =
صيـاف كنـا مانشوفـه غيـر مــره كــل عــام=واليوم اشوفه صلاة العصر ونشوفه ضحى
يطـول مغيبـه عـن أحبابـه وربعـه يـاحـرام=خرج من الديره صغير ولارجـع ليـن إلتحـا
صياف السحيمي=
من يوم جيتك بالمدينـه قمت من حلو المنام=و أصبحت مثل الحب ألابيض يوم يطحن بالرحى
أنا اتجول نوب في اربوع الجنـوب ونـوب شـام=والظاهـر إنـك تفـرح إليـا شفـت صيـاف إنتـحـى
علي=
أنته تجي والناس جو وكل زاير له مقام=أحد ليا جاء له وحى وأحد يجي ماله وحى
يوم المطايا جابت الـزوار شيدنـا الخيـام=واللي ماعنده علم علمناه والنايم صحـى
صياف السحيمي=
ياقو صبرك مير ماتصبر عن الماء والطعام=لو كنت سوسه تأكل العيـدان من تحت اللحا
المسلم اللي يعبد الله مايحج بلا إحرام=لكن علي ابـن خلف بغى يحله وأستحى
علي=
إن كان زوار البلد مشوا على حسب النظام=جميع شىء في خواطرنا تلاشـى وإنمحـى
وان غيروا حنا إنتغير والفشق ملي الحزام=لوالنتيجـه مثـل قصـة ويـن سمعـك ياجحـا
صياف السحيمي =
أنته من أول ماتجيب من الجمل غير السنام=واليوم تسري قبل ثلث الليل وإلا تسرحا
وإن كان دارت وأستدارت فازوا الربع الحشام=بكـره يجونـك حامليـن الكـاس والقـوم إطـرحـا