خالد بن عبيد بن معتوق الأحمدي
قدّامك السّته على الباب الكبير
مايسمحون تروح صرح المفخرة
لاتحاول تعاند ترى جدرك قصير
اقنع من المكسب واقول المعذره
حسن بن علي البشري
حسيبهم ربّك عساهم زمهرير
كل باب معهم قفل حتى المقبرة
في هالزّمن ولد الأفندي والمدير
لو ما يسلّ السّيف قالوا عنترة
خالد بن عبيد بن معتوق الأحمدي
انته قصرت الجهد فالوقت الاخير
والوقت مايفزع لواحد يهدره
اللي يشوف انّه على العليا جدير
وقته ثمين ويستغلّه بثمره
حسن بن علي البشري
حنّا بذلنا الجهد والمال الوفير
الشّاهد الله ماش شيٍ نذخره
الرّاس شامخ والرّغى غير الهدير
ما حرّكوا فينا لك الله اِشْعٓره
خالد بن عبيد بن معتوق الأحمدي
اوّل مسوّي شيخ وهروجك كثير
والنّاس من حولك تسوّي بربره
ليتك قبل وقت الملاقا مستخير
ماكان شفنا حالتك متدهوره
حسن بن علي البشري
واحد ما يعرف شيختي ماهو بصير
الثّرثرة يا شيخ لأهل الثّرثرة
وقت اللقا للخصم شرٍ مستطير
إليا كسرنا العظم محدٍ يجبره