من يغني باللحون الواجده
متجه صوب الصقور الواجده
والخلايق كلها متواجده
ينهم ذاع الخبر وانت المذيع
بعد هذا القول صدرت القرار
باحت الاسرار والمعنى جهار
عادة الحربي ترى يقدح شرار
لا بداله علم حقه مايضيع
وانت وجهت المعاني والنصوص
يم حربي عن ربوعه مايحوص
لابدت لك كيها فوق الفصوص
ويش رايك تشتري ولا تبيع
والحكايه فالحجاوي والحجي
للتسلي ماتعاوز للهجي
لا غشيم ولا ضيعيف ويرتجي
لا وربي منزل الحربي رفيع
من شمال الريح لاقتها صبا
والمطر صباب وبله صبصبا
مير مادش القلوب ولاصبا
من عرف درب المعزه مايتيع
وان بغيت الحل ما قلنا فلا
الجدي كالبوصله لأهل الفلا
ومن نطق بالحق حقه مافلا
ولا تضيق دروب من صدره وسيع