الله يديم أفراحنا كل عيدي
في جاه من يسقا الوطا من الرشاشه
يابو عمر يامسندي ياعضيدي
يامن بوجهه للمسير بشاشه
وناادري أنك معجبن في قصيدي
لاكن ترايه منك في اندها شه
يابو عمر عرفك ورايك سديدي
ولجوخ لولا الون عادي قماشه
والي يعرفون الذهب والمجيدي
كلن يردد فاز فيها عكاشه
لا قولها ميدك ولا هي بميدي
لاكن ببالي علم غامض نقاقشه
وهايب الخلاق ماهي بالأيدي
وكلن رضي في ماكتبله وحاشه
مومن في ماكتب لي سيدي
الي تكفل داب حجرف وعاشه
ولاني بها الدنياء لك الله وحيدي
لعل فصل سماك يجلا غطاشه
لولبتها وضهرتها من جديدي
فيها على الراس المحردب حراشه
عوارف العقيل تبقاء رصيدي
ولا الغبي يومي بهامن دفاشه
ان مات موتة هر ماهو شهيدي
ونعاش تبقى في عضامه هشاشه
لاهولدعمي ولاهو طريدي
يضهر عليه الياتعنة دباشه
هذا الكلام المعترف فيه اكيدي
ميطيح بنيران غير الفراشه
و الذيب وش سراه عير الثميدي
كثح النميلي جاه والملح داشه
يروج روج الي شعاها البيدي
والصلب والصمان خضرا ادشاشه
من كل حاجر يالقطون الزبيدي
من بعد سيلن بنوازي اقشاشه
#غازي_الزغيبي