ابو ذياب =
عليم ربى الملا ياصاح = أنك على البال والخاطر
لك عِرف لك بالمؤافاء شاح = شرواك أسف أنا قاصر
ابن وازن =
يانجم عالي فسمانا لاح = تسلم وفيك الوفا ناير
لجلك على الطيبه وضاح = يشهد على طيبك الناظر
ابو ذياب =
ياعود بالطيبه فواح = شرواك في قلوبنا حاظر
والأن يالصاحب اللماح =بشكي لكم من أسى جاير
ابن وازن =
فلليل الصفا نشعل المصباح = ونسهر مع حرفك العاطر
بجمع حروف الهجاء فلواح = وجيك يالمشتكي طاير
ابو ذياب =
دمع الألم والقهر فضاح =يوم الوفاء عنهم غادر
والله زادت بي الاجراح = صار الجفى طبعهم ظاهر
ابن وازن =
بعض البشر لبسوه وشاح = ويميزه معدنه النادر
دايم فنهر الوفا سباح = مثل المزن طيبه ماطر
راعي المثل يجني الارباح = ويصبح مابين الملاء تاجر
واللى معه بالتجاره طاح = يعود بعد الصبر شاطر