علي الحصني
مرحبا ياشاعرٍسلم عليه ماعرفته=غير يوم إني نشدت الناس قالو لي عياضي!!
ودي اعطيك الجنيه الحر وان كانك صرفته= اعتبرك الي ملك قصرٍمن قصور الرياضي
العياضي
البقا ياشاعرٍفي قصر نجد اليوم شفته= القلوب اليوم يمكن وسط داخلها المراضي
كم فنجالٍ مع الاخصام يالحصني رشفته=والقضية عانها محفوظةٍ في ايدين قاضي
علي الحصني
كان عندك خير اخذته كان عندك شر عفته=وكان مامن خير غير ارسلك وتجيب المقاضي
قالها مستور والقول المصدق ماحرفته= السواد الي بنون العين يزهاه البياضي
العياضي
انت حصنيٍ تحب اللف غير اعطيك لفته=ياحصانية الزمان اليوم قافيك انقراضي
اثر هذاك الشريط اثرك يالمجنون كفته= يوم كفته مالقيت بوسطه الا هرج فاضي
علي الحصني
انت ضايق من بني عمك وصفك ماوصفته=تترك الضلع الطويل الي عليه البرق ناضي
اللحاف الزين وشبك يالعياضي مالتحفته= يوم جاك من الرجال الي لهم حاضر وماضي
العياضي
البعير شعيل شال الحمل لكن ماعسفته=ضايقٍ ياناس ضايق دون هذا كان ماضي