قبلت الهديّة من غلا راعيها
على سعرها ماانظر يوم انظر فيها
قيمتها تقدّر من غلا مهديها
( هدايا الأحبّة تعطي الحُب الحياة )
أحافظ عليها وافتخر واهناها
عزيزة عساني ماعدم لُقياها
رصيد الغلا زايد في كسب ارضاها
( وزميل الوفا بالود يخشرني معاه )
صدوق الغلا يفرض عليّ آصونه
وشبيهه ماهو موجود لو يطرونه
عيوني تبادل بالشّعور عيونه
( فؤاده حفظ حبّي وبيّن لي غلاه )
يعاملني برِقه وصدق شعوره
طموحه سروري واهتني بسروره
عبارة حبيبي مرضيه للغروره
( نصيبه من التّقدير زايد عن سواه )
الشّاعر/ خالد بن عبيد بن معتوق الأحمدي