سلامي لكم يالمنتدى بالملايين=انا فكرتي ننظم قصيده جماعيه
وكل شاعر ينظم على اقل بيتين=هدفنا نطولها قصيده قياسـي
هلا بك وبالفكره وحسب القوانين=نبي نمشي الخطوة بصوره نظامية
نبي لوحة(ن) شعرية(ن) تبهر العين=بشعر(ن) جديد الطرح مافيه هاويه
ونبني بها معنى على الراس والعين=تقومون فيها يالزحول النداويه
وننهج بها نهج الصقور الميامين=ونارد بها كل العدود الرهاويه
وفي منتدانا للرياده عناويين=مثل فكـرتـك يـاراعي الأوليـه
ونبغا نسايرها بسلم وقوانين=على منهج الباري وسنة نبيه
ترى في بلادي الخير لكل المسلمين=بها عزنا الله والمعيشة هنية
بها نعبد الله ونحمي الأرض والدين=وكل(ن) بها اخوان ترانا سواسيه
وحكامها بالشرع صاروا سلاطين=وكل(ن) بناها دون ربيه ومريه
شعارلها نخله وعلى الباب سيفين=ومن هو نواها بشر ذاق المنيه
بها خصنا الله بالجزيرة ببيتين=سعدنا بخدمتها بحب وطواعيه
والى جو ضيوف الله مرحا واهلين=ليقضوا مناسكهم بيسرورفاهيه
شعار الوطن نخله لرمز الكرم واللين=لها ذكر في القرآن رطبها جَنـِيَّـه
وسيفين يشق المعتدي صار نصفين=وحـنا لها بالروح نفـدي هـديـَّـه
وحنا حماة(ن) لها على العسرواللين=عن أشرارخلق الله عيـال الحراميـه
متى ما دعى واجـب فحنـا ملبيـن=نقول ابشري، كل(ن) يـردِّد عزاويـه
على سنة الله والرسولِ الأميـن=َنعم نحمد الله كلنا في السعوديـه
على نعمة الله شكرنا مستعينيـن=على البِر والتقوى عزوم(ن) قويـه
و من يستعن بالله و يخزي الشياطين=يحصِّل، مع التوفيق، مجمـل أمانيِّـه
و على صدره السامي يعلِّقْ نياشيـن=و يبعد عن دروب اللّعيـن و بلاويِّـه
وحنا على الاسلام دعاة (ن) مستقيمين=الى العالم رسالتنا رساله سماويه
ومن يهتدي يلقى سعاده بدارين=ونفسه مطمئنه راضيه دوم مرضيه
عسى الله يكفينـا شـرور الحسوديـن=و عسى من زرع له شر يحصد مساويِّه
و عسى بلادنا تفلـح بكـل المياديـن=وحنـا مـع القايـد نبـارك خطاويـه
بها شع نور الحق من فـوق غاريـن=على المصطفى محمد شفيـع البريـه
رضا الله على الأنصار وكل المهاجرين=وعلى التابعين وإنَّـا معاهـم سويـه