الفُراق اثّر علينا ياحبيب
لين صرنا منه نكره وقتنا
انتصفنا بالهوى نفس النّصيب
نوحشك وانته كمان اوحشتنا
نحسب الايّام والحسبه تخيب
نعشقك ياشوق لو عذّبتنا
وقتنا ياخذ بعد لنّه يجيب
منهو اللي فيه سالم واهتنى
ونرسل المرسول مانلقى مُجيب
ويارسول الشّوق مافرّحتنا
طالت الايّام بالجرح العطيب
يازمان القروشه دوّختنا
وش بقالك من عجايب ياعجيب
هولتنا واشغلتنا وازعجتنا
ولو تسوّي ماتسوّي مايثيب
ولو تخيف النّاس ماخوّفتنا
عزمنا واقف لسطواتك حريب
منت عن غاياتنا توّبتنا
يصبر المجروح لين انّه يطيب
كانه بنفسه تقوّى واعتنا

الشّاعر/ خالد بن عبيد بن معتوق الأحمدي