مايعكره صفوك إرهابي=ولا يهزك الخاين الغدار
لهل الفتن عندنا عقابي=السيف لرقابهم بتار
بحر الشعر
الشعر بحري واسبح فيه=وأفرد على نسمته شراعي
اسري على النجم واستقديه=وأنسى معه كُل اوجاعي
الحرمان
يكفيه قلبي من الآلام=وسنين حرمان عاناها
خليه عايش على الأحلام=يمكن مع الوقت ينساها
يا قاسي
ماكِنت احسِبك ياقاسي=إنك بمر الزمان تلين
راجع لجل تجرح إحساسي=ولا تزيد إبتلال الطين