خليفةالمزروعي=
سلام مثل المطر لاهل=وسيل القرا مع محاديره
وكل الشجاري تعود ضل=والعشب يبدي نواويره
بدر الشيخ=
ترحيب كله زهور وفل=حييت يا طيب السيرة
مثل القمر يوم نوره طل=ونور لي خليص والديره
خليفةالمزروعي=
عطني افاده وعطني حل=في ود مشعل مساعيره
ود المقفين كيف ايضل=في ناس تجهل مقاديره
بدر الشيخ=
اعطيه فرصة ولا تعجل=الين يبدي معاذيره
احيان ظرف الزمان يحل=وانته ما تعلم مقاديره
خليفةالمزروعي=
اخذ الفرص كلها مادل=دربٍ ينور مباصيره
ومن كثر مصبر بديت امل=والكيل تطفح معابيره
بدر الشيخ=
اعطه على ما يقول اشكل=والعقل ريح تفاكيره
ولا عاد تنشد ولا تسئل =يمكن لكم في الامر خيره