صياف ماعاد اشوفه يبدي الريع= بغى يوايق علي وهف غادي
يبأ السفر صبح و جماله مضاليع= و القايده صار مافوقه شدادي
و الله لولا التجارة و المشاريع= لأقوم و أطيح و أرد المعادي
عديتكم يا أهل الروس المصاليع= و إليا أنكم كثر عمدان الجرادي
ياكثر ريش الطيور اللي مواقيع=نصٍ حباري و باقيها حنادي
أنا أحكم السوق و أشري فيك و أبيع= ياحاشيٍ لاتساق و لاتقادي
إصبر شويه ويلدن المضاريع= و تصري قمراء و ينجال السوادي
و الله لأخليك تسر الليل و تضيع= ما أنته بقادر تصيح و لاتنادي
يازبد تحمى عليك الشمس و تميع= أن كان جابوك من وادي لوادي
أن كان حظك كبير تهيد و إطيع= يانور عيني و ياغاية مرادي
تشابكت روس الايدي بالاصابيع= و الشمس راحت على الزبدة برادي
إليا تسنعت أنا عندي تسانيع= لعل تبعد بلادك عن بلادي
التركي اللي يزهب فالمدافيع= يمناه ماتت على رأس الزنادي
السيل لايدخل بيوت الجرابيع=شيل الجرابيع من تحت العرادي
بأجمع ختوم العمد و أعمل تواقيع= أبغى الجماعه ما أحب الانفرادي