====قادم من بعيد
هات اللحن واطرب السمار = نبغــــاك تــعزف لنا الحونه
سلام وافي على الــــــشعار = من منـــــهج الـــقيل قــانونه
====خليل
ترحيب وافي لك المقـــــــدار= وعذب اللحن تسمع فنونـــــه
على حسب طالـعك نخـــتار= ما نقصر الحـــــرف من دونــــه
====قادم من بعيد
أنت بفن المــثل بيـــطار = يا سادة القـــيل و شؤنه
وألان نبغي معك مشوار = دام الصفـا بـان ديــدونه
====خليل :
يبقي المــــثل بيننا معيـار = ولا تهـــمنا ألقاب مفتونة
نسعى معك في عمــــار الدار = موروث نحيــــيه ونصونه
====قادم من بعيد:
كلامكم معـــــليه غــــبار = ذا شـــي والــــكل يـــــرعونه
الطب في طبــــنا محـتار = بالــــــنار خــــــايف يـــكوونه
====خليل:
كلآ حـــــسب حالت الإقرار = واللي أنــــــــــكتب فيه تقرونه
يا تجــــيه كـيه من المسـمار = ولا من الطـــــب يشـــــــــفونه
====قادم من بعيد:
عــن الــدواء مالكم معــــــــذار = وابذل جهودك مع غصـــــونـــه
قــــدام قلــب الفتـي ينهـــــــار = وأهل الهوى اليــــوم يــــرثونـــه
====خليل:
طبك معك تعرف الأسرار= تدرك خوافيـــــه وشـــــجونه
واللي يجيــلك بدون أضرار= لا تتركه شـــــوف مكــــنونه
====قادم من بعيد:
ذقــت الاســئ فالـهوى والنار= وشــفت الـــــذى ماتــــــــشوفونه
ليلي نهـــاري مــع الاخطــار= غـــــــــير الــذى ماتـــــــــحسونه
====خليل :
بعد اطلاعي على اللي صار = من مجــــمل اللي تعـــانونه
للــــــود روقــه وله إعصار = مــــاله قـــوانين مـــــوزونـــة
خذ ماصــــفا وأورده سبــار = وابعــــــد أذا كثــــرت طعـونه
وخـــلك على ماجـري صبار = واللي أنكتب فــــيـه تلـــقــــونه
====ويا أصحابنا سامحوناااااااااااااا