عند من قام في ماجوب ربعه وضيفه=مرحبا واثني الترحيب مره ومره
السناني بعد ظلا محرر صحيفه=انشغل بالجنوب يعد برده وحره

البقا والموظف مجتهد بالوظيفه=كل من يحتم الميقاف لله دره
كيف ضيعت من مجهود حرب النصيفه=كلفوا وانت ماحصلت مثقال ذره

............................=.................................
راح ابو زيد لكن جبت للقوم سيفه=جعل يعطيك من خيره ويكفيك شره

انت قد المقام وحرب ماهي ضعيفه=واعرف ان الليالي تجيك حلوه ومره
راجع الحنبلي وش قال وابو حنيفه=قالوا ان كان حظك ماصحى لاتشره

وانت قد المهمه والمهمه كليفه=عد وش كثر باقي من نجوم المجره
كل شي مثبت بالكتاب وصيفه=وانت يلزمك بعد العيد يومين غره

كل ماقفا ملك عن ملك يعلن خليفه=بعد عامين نلقالك على الارض جره
يرجح العلم عند اهل العيون الكفيفه=وانت حصلتها في جهد والا مبره

تحسبنك مكلف في عنان العسيفه=خل حكمك على الجهنان واعرف مقره