وش توراء ياطويل العمر فينا و ش توراء= الليالي مظلمه و الشيخ ماولع سراجه
أحد نايم فالدفى و أحدٍ شواه البرد براء=و الثبيتي ضاع و الشيطان يضحك له حجاجه
كان مايرضيك قسمك مع عتيبه وش تحراء= روح مع راع الحصان اللي يشاهد لك عجاجه
أخذ من عندي نصيحه خش فالبيت و تذراء= و أخذ طب البدو و الدكتور لاتاكل علاجه
إلبس الثوب الطويل اللي كسيتك لاتعراء = و الثبيتي سايره فالدرب لاتخرب مزاجه
أنت يالحربي حشيم و فوق مثلك ما أتجراء= مير لاتقفل علي القصر و أسكر دراجه
لاتزعلني تراي أنهض حجاجي و أتزراء = لو يضيق الوقت خمس أيام ياسرع أنفراجه
الثبيتي من سواليف العرب قام إتفراء = ثم قاول مع فقيه و قام يسرق من دجاجه
واشيوب العين ضاق البال من ساري و سراء= جبهته فيها طقوق و ساقها فيه العواجه
لاتبراء من ذنوبك يالحريبي لاتبراء= تسرق و تكذب على اخوانك و لاحصلت حاجه
كيف نحلب لك مسوحٍ ديسها مافيه ضراء = مار خذ طاستك و أفزع لأبدوياً مع نعاجه
وأبشروا بالخير يالعتبان كان العلم قراء= مار غظ الصوت لاتصور سموعي باللجاجه
جيت أبا أقريه و إليا أنه غشيمٍ مايقراء= يشتري جوف السوق مايعرف خراجه
يومٍ ماينفع بني عمه و يومٍ مايضراء =و المطر ماعاد يمطر فوقنا يوم إنتواجه
العرب تسهر و تتعب و أنت للراحه مضراء = مار لاتصل المحرج لين تعرف وش حراجه