شاعر ولي في القصايد باع=واقـارع الكـل بسلوبـي
لكن امامـك انـا لِسّـاع=طالب في منهجك يا دوبي
ياشاعـر الفـن والإبـداع=معاك قصـدي ومطلوبـي
لأن جُهدك معـي ماضـاع=واضح في رسمي ومكتوبي
لله درك علـى مــا ذاع=تواضعك احـرج اللوبـي
وان كان تسمح لنا بإيقاع=باعزف لك آهات منسوبي
هات المثل وإشرح الأوضاع=وإعزف لحون الصفا صوبي
وقـدام لاأعالـج الأوجـاع=مـاأذوق زادي ومشروبـي
مركب حياتي بدون شراع=نسجت له شراع من ثوبي
وبعد الهنا والصدور وساع=هب الشروّ واخلف دروبي
دايم بحور الحياه صـراع=لكـن ماهـدّت جنوبـي
إقدى على نجمها اللمّـاع=ولاتقول ضيّعت وإرسوبي
سايـر علـى نجمهـا ملتـاع=و ما اعلنت في المدرسه رسوبي
شمس اشرقت ما عليها قنـاع=بـس البـلا يـوم ضحّـوّبـي
يامواكِب النجم فالمطلاع=إقرا حسابي في حاسوبي
مادام ضحّى بك الخدّاع=ماأنته على اللاش مغصوبي
إحسَّا لُه الصاع قد الصاع=وقُلُه كِذا ذوق من كوبي
بُكره يطاوِعك لو ماطاع=ويجيك ندمان مرعوبي