( 1 )
تِدهوَر القيل مدري ليه=وأصبح على حال يُرثالُه
مِن فيه مِنكم يمِّد يديه=ويرجِّعُه لأحسن أحوالُه
( 2 )
جُرحي تغيَّب عن الجرّاح=مُرغمْ وعِندُه عُذر يعفيه
بيجدِّد الموعِد اللي راح=لكِن طبيبُه يقول إلغيه
( 3 )
الصِبْر ضعفين كاس المُر=والمُر أهوَن مِن العلقم
مالقيت فيهُم شراب يسُر=يروي ضُما قلبي المُغرم
( 4 )
فالليل غُصن الهوى لامال=وخيّم على روض عُشاقُه
أنا وقلبي نقاسي حال=يبعِد بنا خارِج إنطاقُه
( 5 )
وِدي بعد صار فالأفاق=ومْحَد إيتجرااا على سلبُه
تِجمهرت نٍسمة الأشواق=وقِدرَت على زعَزعة قلبُه
( 6 )
( مشتكى في أحد ألحاني مع أحد الشعار )
قلبي تِمغرااا بُه القصّاص=وأشهَر جروح الغرام وراح
يصحاب مافالهوى مِخلاص=يرّيح قلوب ماتِرتاح
( 7 )
( من قديم خواطري )
صفوْ القلوب النِضيفه مات =اليوم أخذنا التعازي فيه
وماعاد باقي كُثر مافات=يجبِّرك تحزن على ماضيه
( 8 )
( محطه من أرشيفي )
مالَم يكون الأدب دافِع=للمعرِفه وإكتساب الناس
في ذِمتي مابها نافِع=ومصيرها يوم للإفلاس
( 9 )
( مُتضادين من قديم خواطري )
ساعي سعى في مساعي خير=والشَر ضِّد السعو ساعي
إش ينفَع الخير فالشِّرير=مادام للخير منّاعي
( 10 )
يسعِّد صباح الحروف حروف=وغُصن الصفا والغرام أخضر
يسعى عليه الهوى ويطوف=لا عنَّد الشوق وإستكَبَر
( خاتِمه من قديم كسراتي )
بَعض الخلايق كما الشيطان=أحسَن لنا يوم ننساهُم
وأنا أحمِد الله على النِسيان=غيَّب عَن البال ذِكراهُم
وإلى اللقاء معكم
في خواطر وكسرات جديده
أخوكم
( ماجد أبومديده )