ماعليك زود يابو عبيد ومثلك يشرف في شخصه واخلاقه وشعره
واليك ردي الاخير ونلتقي على الخير دائماً
خالـد عبيـد الاحـمـدي =
سـلام للملعـبـه مـبـدا=قال التحـاور بفـن وذوق
وكان اتفقنـا قبـل نبـدا=مافيه طالب ولا محقـوق
بخـيـتـان الـبـشـري=
ترحيب وإقدى على ما اقدا=وانهج معي منهج المنطوق
نبدا معـك عنـدك العـدا=ومطرود ميدانها ملحـوق
خالد بن عبيـد الاحمـدي=
تبقـا ومعدنّـك مايصـدا=لنّه ذهب والذّهب مرمـوق
عيّا معـي موجهـا يهـدا=اهمومي اللي بسبّة شـوق
بخـيـتـان الـبـشـري =
مثلـك وفـي دوم مايـردا=من ساسك الطيب يامخلوق
حتى معك ناصـل الحـدا=هات الذي فالصدر مدروق
خالد بن عبيد الاحمدي=
للي لهم بالنّفيس افدى=واطعمهم الشهد والمرقوق
صاروا مع الوقت لي اعدا=بعد انقضوا عهدي الموثوق
بخيتان البشري=
مهما قساهم بك اشتدا = واروت بخيرك ضماها عروق
لابد عقب الجزر مدا = وتعوضه عهدك المسبوق