في شاعر المليون للشعر ميدان=ببلاد شيخن ماتمل ابجنابه
من جاه عاني مارجع منه خسران=من نسل زايد طيب الله اترابه
جينا هنا شعار في حسبة اخوان=وكلن يقدم في يمينه كتابه
والشعر بحر وفيه لؤلؤ ومرجان=وماكل سباحن لياغاص جابه
والشعر له مبداء ومبنى وميزان=الله يجنبنا عن الي يعابه
وعباد ربي بين خاسر وكسبان=والرزق عند الي ينشي سحابه
للمجتهد غاية وللقول برهان=والسيف في يمناي قاضب نصابه
الله خلق للناس تفكير ولسان=والشعر ياشعار مفتوح بابه
قلته وانا من حرب والاسم سلطان=والناس كلا يعتزيله بلاابه
من دار ابو متعب ملكنا كحيلان= حاكم بشرع الله بمحكم كتابه
لبلادي الثاني بلاد النهيان=دار الشجاعه والكرم والرحابه
دار لها قيمه وهيبه بالاوطان= من سيسه شيخً فقدنا غيابه