مرحبا عند حربي(ن) سلومه عريبه=جمع اهل الوفاء والجود من كل ديره
ملفي المورقي يفخر بحرب وعتيبه=مابقى إلا يصرح في قناة الجزيره
البقا بالصحيب اللي يقدر صحيبه= قالها شاعر(ن) ماقط خانه ضميره
الحميه ترى ماهي عليا غريبه= الشبابي ليا شفته يساوي عشيره
طيب الفعل حنا كلنا نعتزيبه=لاكن الحبِ حول فالرحاه المستديره
واجد الهرج والبرهان طرح الضريبه=ماتبر الرجال إلا تجيك البريره
ماغدالك ذهيب ولاغدالي ذهيبه=نحمد الله من اصحاب الحضوض الكبيره
كل مخلوق فالدنيا يحصل نصيبه=مار الله اللي فيه خير(ن) وخيره
كل هرجك هذا مافيه شك وريبه=مار سوق الركايب مبعدات المسيره
ملفي الشاعر المطلوخ كل(ن) يهيبه=مار انا خابره وادري بشره وخيره
ان هرجنا مصيبه وان سكتنا مصيبه=وانتي حربي ولا تقدر تبيح السريره
كل جرح(ن) من الايام يلقى طبيبه=بين طب(ن) حديث وبين عرف وبصيره
ان هرجتو هرجنا ماعلينا غليبه=وان سكتو نقول الله يديم الستيره
انت روقي من العتبان سطوه وهيبه=لاتخوي على شيخ الكلا والعميره
كان صامل نبا نكرب حبال النجيبه=لين نمسي ورى ديرة صباح وسميره
احمد الله بعيد عن الردى والمعيبه=ماوى السلم وارد بالحبال والبصيره
حضنا مايطيح وفعلنا يندعيبه=وانت عندك خبر لاكن سيرتك سيره
الهوى مايهز إلا الغصون الرطيبه=تدري ان الهوى ماهز هضبت وعيره
نعم فيكم ولاكن القضيه صعيبه=تحسب الكرسي الدوار كل(ن) يديره
وا حليل الطليب اللي يخلص طليبه=مابخس من حقوق الناس حبة شعيره