ابن عاقل=
سلام بحـروف منظومـه=في عقدها والكريم يجـود
وجدي على نفس مهضومه=في كشحها اللولو المنضود
هزيم الرعد=
منّا التراحيـب ملزومـه=بالورد والعنبرة والعـود
يشكي والأشواق محرومه=قلب إنجرح بالعيون السود
ابن عاقل=
تدوم والنفس مضيومـه=من حالي السكر المعقود
قاسي والأشواق مسمومه=كأنها من صخر جلمـود
هزيم الرعد=
كم فالهوي ناس مكلومه=وأيامنا للمقـال شهـود
ما لومها نفس مهمومه=روحٍ لقت فالغرام جحود
ابن عاقل=
ندري بالأرزاق مقسومه=ومحملة مع هبوب النود
لكن الأجراح ماسومـه=وطيوفها فالخيال يرود
هزيم الرعد=
طارت والأضلاع مضمومه=وإحساسها بالوصال وقود
ما آظن الأمال معدومـه=يبقى طريق الصبر محمود