الا بسم الله أكبر ياهجوسي والأوامر جات =الا بسم الله ابدى والأمر ياهاجسي مني
بطيبة نفس والا بالغصب هلي لي الأبيات =ابى الأجزل وابى الأثمن ولاحدن عنك يمنعني
في بحر الفكر غوصي واخرجي من اطيب العذبات=انا شاعر ولد شاعر وابى شعري يشرفني
هلا يامرحبا ترحيب في حلة هل الطالات =هل التكميل واهل الجود فالأقنان والقني
هلا بضيوفنا عداد مايكتب من الآيات =وعدد مالاح برقن فالسماء والرعد له دني
الا مبروك ياسالم وهذي اسعد الحظات =وابارك للجميع وكل حربي قال شرفني
يعيش أحمد مهندسنا رقى للعلم والصعبات = جهيد ومجتهد ماقال ذا الغربة تعبني
دعس روؤس المخاطر ماحسب للمعضلة حسبات =نظر لنايفة واركز عليها والعزايم له تنادني
جويد الساس له نبراس ساسه من زمانن فات =على درب الجدود ذياب بالعليا تعوني
له التوفيق والتصفيق والفرحة لها دمعات =ولكني ابخفيها عسى ربي يصبرني
وقبل اختم سموحتكم ترى ماتوفي الكلمات =ولو بكتب دواووين الشعر ماظن توفني
وصلى الله على من فالحرم هلل وفي عرفات =على من شرف الأسلام والتوحيد والديني