قصيده لشاعر تركي بن نايض بن جويبرالحربي رثاء في الشاعر الكبير صياف عواد الحربي رحمه الله .
((( مرحوم ياصياف)))
.
.
.
جاني خبر ورتاع قلبـي وفزيـت=وضاقت علي الارض لو هي وسيعه
اشهد شهاده شتت الفكـر تشتيـت =وهزة شواردها الحصـون المنيعـه
وقفت حاير ياقـدر ويـش سويـت=صدمتنـا ياكبرهـا مـن فجيعـه
صدق القدر لاحـل مافيـه تفويـت=اليـا وصلـه الامـر لازم يطيعـه
مرحوم ياصياف ياذايـع الصيـت=عساك في جنات خلـدٍ رفيعـه
ياما ويامـا بيـن صفيـن غنيـت=وجمهورٍ يصفق لقافٍ تذيعه
حلو الطـروق وللمعانـي تنقيـت=ورسم الرمـوز الخافيـه بطبيعـه
الشعر يبكي بعد مارحت واقفيـت=يصرخ بصوتـه مذهلتـه القطيعـه
لكـن تبقـى ياعـلـم ماتخفـيـت=ذكرك حضوره دايمٍ بالطليعـه
يـاالله يـارب المخاليـق والبيـت=تجبر عزاء كل الحروب الشجيعـه